He Kōrero mō tēnei Ratonga

I te tau 2005 i whakatauria te paetukutuku ‘Te Ipurangi Whenua Māori’ e te Kooti Whenua Māori o te Tāhū o te ture hei rauemi ipurangi mo ngā kaipupuri whenua Māori me te hunga e kaingākau ana ki te rapu i ngā kōrero whai take, kōrero pōraka whenua, tae noa ki ngā take e whakaauau haere nei i ngā pōraka whenua.

Nō te tau 2010, i panoni te āhua o te Ipurangi Whenua Māori kia puta tētahi paetukutuku e hono ana i ngā kōrero o Te Kooti Whenua Māori me ērā o Toitū Whenua (LINZ). Ka tūhono ēnei kōrero, kātahi ka hanumi ki tētahi pātengi raraunga. Mā te Pūnaha Whakamārama Whenua, mā te mahere paetukutuku o Google, hoki, ngā kōrero nei e whakaatū ā-papa, ā-tatauranga hoki.

Ka whakahou ngā kōrero o te Ipurangi Whenua Māori i te wā ka whakahou ngā kōrero o te Pūnaha Whenua Māori i te mea nō konei ngā kōrero. Nō reira ka whakaatū i ngā ariā o ngā whakahekenga whenua, i ngā kōrero o ngā taitara i te wā ka tāngia e te Kooti. Ko ngā kōrero o Toitū Whenua ka whakahouhia ia marama. He mea tango aua kōrero e CoreLogic.

I ētahi wā, ka rerekē ngā kōrero o te Kooti Whenua Māori ki ērā o Toitū Whenua. I aua wā tonu, ka hē ngā whakaaturanga o ngā pūhera whenua, ā, ka toko ake tētahi karere ki te tohu i tēnei take.

Ko te tūmanako, ā tōnā wā ka puawai tēnei rauemi, i te whakawhititanga o ngā kōrero ki waenganui i a Te Kooti Whenua Māori me Toitū Whenua (LINZ). Ā taua wā ka noho tika, ka noho pono ngā kōrero o te paetukutuku nei.

Pēnā he pātai āu e pā ana ki ngā kōrero whai take, pūhera whenua rānei kua puta ki tēnei paetukutuku, tukuna ki tō tari ā-rohe o te Kooti Whenua Māori, mā rātou koe e arahi. Pēnā he pātai e pā ana ki ngā momo hangarau, tukuna ki te kaiwhakarite o te pae tukutuku.